Rock musika gustuko dutenek kontzertu polita dute zapatuan Espaloia kafe antzokian. 22:30etik aurrera taula gainean izango dira BC Bombs, Rat-Zinger, Screamers and Sinners eta Frydays Crews taldeak.
BC Bombs eta Rat-Zinger Bilbotik datoz, eta hurrenez hurren, punk-rocka eta rock gogorra egiten dute. Zuzeneko bortitza dute.
Fridays Crew talde azpeitiarra da, eta street punk estiloa jorratzen du.
Screamers and Sinners taldea, berriz, Aretxabaletatik dator. Talde berria da nahiz eta kideak beste hainbat taldetan ibilitakoak izan. Psikobily talde berria da.
Kontzertuaren sarrera sei euro da, bazkideendako lau euro.
