Intxorta 1937 kultur elkarteak erakusmahai propioa du aurten ere Durangoko azokan, eta domekara bitartean elkarteak ekoiztutako hainbat lan erakutsi eta salduko dituzte bertan. Horrekin batera, Elgetan dagoen Intxortako ibilbide tematikoaren gaineko informazioa ere banatuko dute: besteak beste, esku-orriak eta bisita gidatuen gaineko informazioa.
Materiala berria
Intxorta 1937 kultur elkartean, bere aldetik, materiala berria eraman du azokara. Tartean da gaur, barikua, azokako Irudienea gunean aurkeztu duten Arrasate 1936: Emakumea, gerra eta errepresioa ikus-entzunezkoa. Domekan, berriz, Historia crítica de la guerra en Euskadi 1936-1937 liburua aurkeztuko dute azokako areto nagusian Juan Ramon Garaik eta Jon Etxezarragak.