Azaroko azken egunean Elgetako 62 lagun zeuden langabezia bulegoan izena emanda. Datua urriko berdina da, eta langabezia tasak %11,44 izaten jarraitzen du.
Amaitzear den 2012. urteko langabezia daturik txarrena abuztuak eman zuen; 69 langabetu eta %12,73ko langabezia tasa. Ordutik hona, beherunzko joeran izan du langabeziak Elgetan baina urrun dago urtarrileko datua: 46 langabetu eta %8,49ko langabezia tasa.
Debagoienari dagokionean langabezia tasa %12,42 da, eta langabetuak 3.701. Urtarrilean baino 414 langabetu gehiago ditugu bailaran. Langabezia tasa handiena Arrasatek du (%14,64), eta txikiena Leintz-Gatzagak (%6,67)