Atzo gauean eta gaur goizean, Herrixa Dantzan ekimeneko saio berezi bana izan da Elgetako Espaloia Kafe Antzokian. Hain justu ere atzo gauean, Galiziako A máquina de bailar taldeak kontzertua eskaini zuen: balsak, mazurkak, Europako dantzak eta abar eskaini zituzten. Pena, dantzara jende gutxi animatu izana. Gaur, baina, Sergio Cobosek, Valsas Mandadas izeneko tailerra eskaini du eta giro ederra ipintzea lortu du. Gaur bai, jendea animatu da dantzara.
Valsas mandadas deiturikoak Alentejoko Grandola eskualdean gorde diren dantza bitxiak dira. Bikoteka, korroan jarrita eta bals doinu batekin, gidari batek agintzen ditu urratsak, inprobisatuta. Neurri batean, Iparraldeko jauziekin antzekotasuna gordetzen dute, itxura bertsuko sistemak baitira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.