Azaroaren 30ean hartuko du erretiroa Maria Elena Eztenaga udal liburuzainak, eta Udalak lanpostua betetzeko lan deialdia egin du. Helburua da liburuzain laguntzaileen lan poltsa osatzea. Eztenagaren ordezkoari, hasiera batean, urtebeteko kontratua egingo dio Udalak, eta lan ordutegia izango da astelehenetik barikura, biak barne, 16:30etik 19:00etara.
Interesatuek urriaren 29ra arteko epea dute izena emateko; bete beharreko inprimakia www.elgeta.org atarian aurki daiteke. Hautaketa prozesuko probak urriaren 31n egingo dituzte.