Elgetako jardunaldi mikologikoen lehenengo edizioa Joxe Mari Larrañaga mikologo bergararraren hitzaldiarekin hasiko dute hilaren 18an. Larrañagak, Espaloia kafe antzokian, Gure basoetako perretxikoak izeneko hitzaldia egingo du 19:00etan hasita eta, bertan, Elgeta eta inguruko herrietan aurkitu daitezkeen perretxiko moten gaineko azalpenak emango ditu; eztabaidatzeko aukera ere izango da.
Adin eta era guztietako jendeari zuzendutako hitzaldia izango da eta, bertan, mikologia zer den, perretxikoak nola hartu behar diren, eta Elgeta eta inguruetako basoetan irteten diren perretxikoak nola ezagutu eta bereizi azalduko du Larrañagak.
Egueneko hitzaldia irekia eta parte hartzailea izango dela jakinarazi du Larrañagak; izan ere, Bergarako mikologoarendako, nahiz eta oinarrizko gauzek denentzat balio, perretxikoen arloan jasotzeko era asko daude, eta horiek ezagutaraztea da Elgetako aste mikologikoaren xedea.