Cotillas antzezlana aurkeztera etorri ziren Elgetako antzokira. Bakarrizketa estilora esketx ezberdinez osatutako lana da.
Izenburuak dioen moduan txutxu-mutxuak dira protagonista, era guztietako txutxu-mutxuak. Bi aktoreak taula gainean egindako lana ikusita ezinbestekoa da Sobradun antzerki taldearen estiloa gogora ekartzea.
Matxismoa ironiaz
Aginagalde eta Txafas-ek berehala bereganatu zituzten ikusleak eta barre algarak bata bestearen atzetik etorri ziren. Dena dela, beharbada, animaliekin parekatutako esketxek izan zuten arrakasta gehien.
Matxismoa modu ironikoan tratatzen zuten pasarteek ere barre algara ederrak eragin zituzten. Agian batek baino gehiagok erosketa egiten, sofan botata... bere burua irudikatuta ikusiko zuen.