Urtero moduan futbol kantxaren goiko aldean —skate parkearen ondoan— piztuko da San Juan sua Elgetan. Zapatuan, San Juan bezperan, izango da hori eguzkia sartu ondoren. Guraso elkarteak ere jakinarazi du egun horretan ogitartekoak banatuko dituela Bolatokian.
Kartoi piloa egiten
Atzo, eguaztena, hasi ziren haurrak erretzeko piloa egiten. Guraso batzuen laguntzarekin industria guneko enpresetara jo zuten, baita herriko komertzio ezberdinetara ere. Lana ez da amaitu ahalik eta pilo handiena egitea baita helburua. Inork erretzeko materialik badu, badaki nora eraman.