Orokorrean langabeziak apur bat behera egin zuen maiatzean, baina Elgetan ezer gutxi sumatu dugu jaitsiera hori. Lanbidek emandako datuen arabera maiatza %10,57ko langabezia tasarekin eta 52 langabeturekin itxi dugu.
%10eko lagabezia tasatik gora jarraitzen dugu; badira hiru hilabete jarraian ez garela koxka horretatik jaitsi.
Iaz, sasoi berean, %8,94ko langabezia tasa eta 44 langabetu genituen herrian. Duela bi urte, 2010ean, %5,08ko langabezia tasa eta 25 langabetu. Azken urteotako langabezia tasarik txarrena dugu.
Krisiak bere eragina izan du Elgetan ere, baina esan beharra dago bailarako datuekin alderatuta egoera oso antzerakoan gaudela. Bailarako langabezia tasa %10,60 da. Leintz Gatzaga da tasa txikiena duena; %5,26. Tasa handiena, berriz, Arrasatek dauka; %11,70.