Tanto politak ikusi ditugu gaur eguerdian Elgetan jokatutako frontenis txapelketetako bi finaletan. Markagailuan, hori bai, aldea nabaria izan da izan ere txapelketa mistoko finalean 25-13 irabazi dute Elkoro anai-arrebek Idoia Serna-Asier Osoro bikotearen aurrean.
Gizonezkoen txapelketan ere Enrike Elkoro izan da protagonista, izan ere Haritz Gallastegi bikotekidearekin batera 25-09 nagusitu da Iban Retolaza-Xabier Ubera bikotearen aurrean. Enrike Elkorok, beraz, bi txapela eta bi kopa eraman ditu gaurkoan etxera. Kiroletako udal zinegotzi Jose Mari Zubiaurrek banatu ditu sariak.
Herri mailako txapelketa
Hamahiru bikote mugitu ditu aurten herri mailako frontenis txapelketak; zortzi bikote gizonezkoen txapelketan eta bost txapelketa mistoan. Antolatzaileek balorazio positiboa egiten dute.