Oskorri taldeak kanturako gogoz den oro gonbidatu du Elgetako Espaloia kafe antzokira eta, musika tresnaren bat izanez gero, eramatera animatu. Azken boladan egiten diharduten moduan, barikukoa ere kontzertu bizi eta berezia izatea gura dute Oskorriko lagunek, taldeko partaideekin batera publikoa ekitaldiaren protagonista nagusi bilakatuz.
Kontzertu Ziklo Berrian, jada grabaturiko 13 errepertorio berriz jotzen eta kantatzen ari dira: Ama begira ezazu, Manuelatxo, Ardoari kantak, Bautista Bazterretxe, Markesaren alaba, Pello Joxepe eta Oi, Pello, Pello!, tartean.
Errepertorioko kanturen bat Elgetako koruaren laguntzarekin abestuko dute, gainera.