Atzoko egunean gora eta behera lanean ikusi genituen Intxortako Lehoiak lagunartekoak. Bandera zuri-gorriak ipini dituzte herriko hainbat tokitan, eta kultura etxeko atzeko fatxadan ipini duten oihal zuri-gorri handi batek egiten die harrera Bizkaia aldetik datozen bisitari guztiei.
19:00etan Bolatoki tabernan
19:00etan elkartuko dira zale zuri-gorriak Bolatoki tabernan. Itxaropentsu daude gaurko finala dela-eta, eta triki-poteoarekin hasiko dute festa. Kalejira Bolatoki tabernatik abiatuko da.
Bolatokiko arduradunek jakinarazi dute 20:00etan hasiko direla gaur afariak ematen. Finala 20:45ean hasiko da eta pantaila handian emango dute. Hortik aurrerakoak, auskalo!