"Elgetako historia ezagutzen baduzue, ikusiko duzue ez dagoela egun bakarra non ez den gerra lehiarik izan azkeneko bi mendeetan". Halaxe erantzun zien Iñaki Amasagasti (EAJ) eta Alberto Unamuntzaga (Amaiur) senatari abertzaleen galderei. Atzo izan zen saioa, Espainiako senatuan.
"Eskubide osoa"
Era berean, san zuen, Espainiako armadako soldaduek "eskubide osoa" dutela maniobrak "edozein toki eta unetan" egiteko. Baina, gehiegizkoa iruditu zitzaion "30 soldadu Elgetatik" igaro izanari, maniobra militar deitzea. Eta, soldaduek, kontu handiz aritu zirela esan zuen elgetarrak ez "molestatu" eta "asaldatzearren". Eta soldaduek, herritarrendako arriskutsuak izan zitezkeen jarduerarik ez zutela egin esan zuen.
Bi senatari euskaldunek ez zituzten aintzat hartu Pedro Morenesen azalpenak eta berriro salatu zituzten elgetarrendako eta euskaldunendako horren egun berezian Espainiako soldaduek maniobra militarrak egin izana.