Aste honetako AsteOn saioan Elgetako frontea izango da protagonista, izan ere Elgetako bonbardaketaren 75. urteurrenaren harira Intxortako frontearen gaineko programazio berezia eskainiko du Goiena Telebistak.
Pasa den domekan egindako omenaldian jasotako adierazpenak eta irudiak batuko dituzte AsteOn saioan, eta horrez gain atzera begira ipinita Iraitz Lazkano turismo teknikariak 1937ko apirilaren 24an eta 25ean Elgetan zer gertatu zen kontatuko du. Intxorta 1937 Kultura Elkarteak batutako testigantzak ere entzun ahalko dira.
Gerra zibila Euskal Herrian erreportajea
AsteOn saioarekin batera aste bukaera honetan Intxorta 1937 Kultura elkarteak egindako Gerra zibila Euskal Herrian izeneko erreportajea ere ikus ahal izango da Goiena telebistan.
AsteOn saioa 22:00etan eta 23:30ean ikus ahalko da gaur, apirilak 27, Goiena telebistan; Gerra zibila Euskal Herrian erreportajea, berriz, zapatuan 20:45ean eta domekan 15:20ean emango dute.