Elgetako alkate Oxel Erostarbek, Aintzane Ezenarrok eta Mikel Basabek ez dituzte legebiltzarkide karguak Aralar alderdiaren esku utziko. Horrela adierazi dute hiru legebiltzarkideek gaur goizean auziaren inguruan argibideak emateko egindako agerraldian.
Hiru legebiltzarkideek adierazi dute koherentziaz jokatu zutela, eta Aralar alderdiko zuzendaritzak biharko egindako bilera proposamena oporren ostera atzeratu dute.
Basabek gaineratu du diziplina neurririk behar ote den Aralarreko zuzendaritzak erabaki beharko duela.
Zatiketa Bakerako lantaldearen bozketak eragin du. Aralarreko koordinatzaile nagusi Patxi Zabaletak esan du hiru legebiltzarkideek ez dietela erantzun nahi izan barikutik zuzendaritzak bidalitako mezu elektronikoei.