Haur, gazte eta heldu, askotariko elgetarrak batu ziren eta nahikoa lan izan zuten alde batera eta bestera begira; itxuraldatutako kafe antzokia nola geratu den ikusi gura zuten eta kuriositatez egon ziren begira. Durangaldeko Zirkiñik Bez! taldeak girotu zuen ekitaldia eta ez zen falta izan, noski, trago eta mokadurik.
Herriko jendea ez ezik kanpotar batzuk ere bertaratu ziren eta batzuek zein besteek hitz onak baino ez zituzten izan Espaloiaren gainean: gauza gutxirekin itxura berria eman diotela, ondo geratu dela eta bizitza handia ematen diola Elgetari.
Haurrak ere gustura, eurentzako propio egokitutako txoko bat ere baduelako kafe antzoki berriak.