Berrikuntza lanak egin ondoren berriro zabaltzera doaz Elgetako Espaloia antzokia, honen inaugurazioa bihar, martxoak 23, arratsaldeko 19:00etan ospatuko delarik.
Elgetako Kafe antzokiak etapa berri bati ekingo dio, orain arteko eskaintza kulturalari eutsiaz Elgeta, Debagoiena, Debabarrena eta Durangaldeko herritarrentzat zerbitzu berriak eskainiko dituelarik. Ezagutzen genuen antzokia guztiz aldatu da eta itxura eta zerbitzu berrituekin dator.
Sagardotegi menua, pizzak...
Eskaintza gastronomikoa aipatzekoa da, honen barne eguneroko menua (bufet erara, plater bat edo bi plater aukeran); tabernako janlekuan pizzak, entsaladak, bokatak, errazioak, etab. hartzeko aukera egongo da; eta upategi erretegia lehenengo solairuan kokatuko da non menu bereziak eskainiko dira: sagardotegi menua, txakolindegi menua, ardotegi menua karta haragia eta arraina brasan.
Taberna Egunero egongo da zabalik, asteburuetan goizeko 8:00etan irekiko dute eta astelehenetik eguenera 12:00-22:00ak bitartean.
Ezin ahaztu haurretzako txoko berria edo jolasen gunea, azken honetan billarra, futbolina eta dardo makina dago eta.