Aurreko astean jaitsi zuten irudia. Harrizkoa da eta pisu handia da; tamainaz, 60 bat zentimetro ditu.
Eskumako eskua falta du, ezkerrekoa apurtuta dauka eta basea zartatuta dago, baina kontuan izanda urte asko egin dituela Domingo Iturbek egindako eraikinaren fatxadan egoera onean dagoela esan daiteke. Orain, Domingo Iturbe Patronatuko kideek erabaki beharko dute irudiarekin zer egin.
Azaroan egindako eskaera
Azaroan egindako batzar batean galdetu zuen Mari Carmen Etxebarriak fraideen etxeko fatxadako irudiarekin zein asmo zegoen. Osorik jaisteko aukerarik egonez gero, saiatzeko eskatu zuen. "Zorte handia izan dugu. Irudiaren parean, horman ezkutatuta, zabaldu zitekeen egurrezko irekidura bat agertu da. Hala, kanpotik jaitsi beharrean barrutik jaitsi ahal izan dute", adierazi du elgetarrak.
Irudiaren etorkizunari buruz galdetuta ez dakiela dio. "Hori Patronatua osatzen duten kideek erabakiko dute". Etxebarriak, dena den, gogoan du nola Maalako ermita bota zenean amabirjinaren irudia berreskuratzea lortu zen. "Konpontzea erabaki zen orduan, eta irudi hori orain parrokian dago ikusgai".