Goizean Intxortara mendi buelta egin zuten hainbat gaztek eta eguerdi partean, indarrak errekuperatzeko hamaiketakoa hartu ondoren, kalejiran ibili ziren Elgetan, trikitilarien musikarekin lagunduta. Ondoren, bazkaria egin zuten eta Jokin Labaien, Manex Agirre eta Enaitz Alustiza bertsolariak ere iragarrita ziren.
Kontzertua gauean
Gauean, urteurren festari amaiera borobila emateko, kontzertua izan zen gaztetxean, Ez! taldearekin. Luze jo zuen ospakizunak eta giro polita izan zen egun osoan Elgetan.