Hamar jardunaldi izango ditu aurten Gipuzkoako hiru txirlo txapelketak, eta zapatuan, martxoak 10, egingo dute lehenengoa Azpeitiko Garmendipen. Elgetak ordezkaritza izango du aurten ere txapelketa horretan, nahiz eta argitzeko dagoen zenbat bolari izango diren eta zenbat talde osatuko diren. "Kontu horiek lehenengo jardunaldian finkatzen dira", adierazi du Elgetako Sebas Arantzabalek.
Argi dagoena da txapelketako jardunaldi bat Elgetako bolatokian jokatuko dela. Maiatzaren 19ko jardunaldia izango da, zortzigarrena.