Aurreko astean inauguratu zuten Bilboko Arte Ederren museoan Maleta mexikarra izeneko erakusketa. Capa, Taro eta David Seymour Chim foto-kazetarien gerra-argazkiak dira, 1995ean Mexikon agertu arte galdutzat ematen zen materiala, eta gehiena aurretik ikusi gabea.
70 bat argazki eta handitutako kontaktu orri modernoak daude ikusgai. Intxorta 1937 kultur elkarteko Josuren Murgizak esan duenez tartean dira David Seymour Chim-ek Elgetako frontean ateratako irudiak.