Markos Untzeta eibartarra Elgetako kafe antzokian izango da gaur, barikua, 22:30ean. Bere hirugarren lana den Mississippi izeneko diskoa zuzenean aurkeztera dator. Hala, folk, blues eta country-rock estiloak izango dira nagusi.
Giro intimistako emanaldia iragarri du musikariak, izan ere Untzetaren gitarra akustikoak kontrabaxua eta bateria izango ditu lagun Espaloian. Mississippi diskoko kantuez gain hiru musikariek eibartarraren aurreko lanetako kantuak ere abestuko dituzte.
Sarrera bost euro da, bazkideendako hiru euro.