Dagoeneko aditzera eman dituzte herritarren sarirako hainbat hautagai, eta tartean daude Oihana Kortazar, Iban Letamendi, Aitor Mendizabal edota Maialen Axpe moduko izenak. Horiek, baina, proposamenak baino ez dira, herritarrek aukera librea izango dutelako eurek nahi duten proposamena egiteko, zergatia azalduz.
Guztira zortzi sari
Ekitaldian guztira zortzi sari banatuko dituzte, eta aurreratu moduan, herritarrena izango da horietako bat. Gainontzekoak epaimahaiko kideek erabakiko dituzte, eta seguru lehenago botatako izenak kontutan hartuko dituztela sari horietarako. Baina, kirolari onenekin batera izango dira, besteak beste, entrenatzaile onenaren saria, babesle onenarena edota kirolari anonimoarena.
Aurtengo edizioak ez du Udalen babesa izango, eta Goienak hartuko du ekimena antolatzeko ardura, Artemanen laguntzaz. Horretarako, Mondragon Unibertsitatearen, Kanpanzar Harrobiak enpresaren eta La Caixaren babesa izango dute.