Bisita motzak egingo ditu, baina gaur goizean Olentzero herrian izango da. Haurreskolako eta Herri eskolako umeak bisitatuko ditu. 10:00ak bueltan espero dute Haurreskolan eta 11:00ak inguruan, berriz, Herri eskolan. Neska-mutikoek kantuak prestatu dituzte egunotan Olentzerori abesteko, eta badute esperantza ikazkinak eskolarako opariren bat edo beste ekarriko duela.
Arratsaldean, Herriko plazan
Egun osoa emango du Olentzerok Elgetan. Arratsaldean, 18:30erako espero dute Herriko plazan. Urteroko ekitaldia izango da honakoa. Astoarekin jaitsiko da Salbador kaletik behera eta neska-mutikoen patxoak eta gutunak jasoko ditu. Oparirik ez, baina gozokiak banatuko ditu aurten ere.
Olentzeroren etorrera girotzeko Maala guraso elkarteak txokolate-jana iragarri du 16:30erako. Elgetako trikitilariak eta musika eskolako ikasleek ere girotuko dute arratsaldea. Kultura etxean, berriz, ikusgai egongo dira Gabonen inguruan ludotekako eta gaztelekuko neska-mutikoek egindako eskulanen erakusketa.
