Xalbadorpe erretiratu elkartean ekintza ugari prestatu dituzte Gabonotarako. Astelehenean bingoa egin zuten Ozkarbi elkartean eta bihar, abenduak 16, Gabonetako luntxa egingo dute.
Alai taldearen kontzertua
Atzo, eguaztena, Bergarako Alai taldea izan zen Espaloian. Elgetako 60 bat lagunen aurrean saio polita egin zuten. Askotariko kantuak eskaini zituzten, eta amaieran Gabon kantak ere abestu zituzten. Atsedenean ere atsegina izan zen The Bird Saxo Quartet laukotearen emanaldia. Pieza oso ezagunak eskaini zituzten lau saxorekin. Publikoa oso gustura geratu zen.