Udal kultura sailak bi ekintza antolatu ditu abenduaren 3rako. Patxin eta Potxin pailazoek Bizitza zirkuan izeneko ikuskizuna egingo dute 12:00etan kiroldegiko gimnasioan. Sarrera doan da. Jarraian, 13:00etatik aurrera, margotze tailerra iragarri dute antolatzaileek. "Euskara margotu eta herria kolorez jantziko dugu", adierazi dute.
Mozioa
Martitzenean egindako osoko bilkuran ere mahai gainean izan zuten Euskararen Nazioarteko Eguna; udal batzak aho batez onartu zen Bilduko Janire Lazkanok aurkeztutako mozio bat.
Mozio horretan Udalak euskararen sustapenean hainbat konpromiso hartzen ditu. Esaterako, langileak euskalduntzea, herritarrei begirako zerbitzuetan lehen hitza euskaraz egitea, barne funtzionamenduan euskara bultzatzea eta euskararekin lotutako plangintza integral bat garatzea.