Urteko bigarren eta azken hitzordua dute gaur, martitzena, Elgetako odol-emaileek. Ohikoa den moduan odol-ateratzeak udaletxeko beheko solairuan egingo dituzte. Sendagile eta erizain taldea odol-emaileak hartzeko gertu egongo da 18:00etatik 20:00etara.
Iaz 35 odol-ateratze
Azaroan egin zituzten iaz ere udazkeneko odol-ateratzeak Elgetan. Orduan, 35 odol-ateratze egin zituzte eta kopuru polita dela esan zuen Maria Asun Agirrek. Gaur beste horrenbeste egitea ona litzateke.