Aho batez onartu zituzten izendapenok aurreko asteko osoko bilkuran. Mankomunitateak hiru batzorde izango ditu agintaldi honetan; Pertsonalaren batzordea, Ingurumen batzordea eta Turismo batzordea. Lehenengo bi batzordeen jarraipena Oxel Erostarbek egingo du, eta Turismo batzordera Patxi Basauri joango da. Izendapenak egiteko Elgetako udaleko batzorde banaketa hartu dute kontuan. Erostarbe da Elgetan pertsonal batzordeburua eta berak eramaten ditu ingurumen gaiak. Bestetik, Patxi Basauri da Elgetako turismo batzordeburua.