Gaur goizean abisu bakarra jaso dute Elgetako udaletxean; Arantzeta auzotik etorri da. Pinua jausi da bide erdira. Gainera, argi barik daude. Auzotar batek adierazi duenez ohikoa izaten da haizea gogor dabilenean Arantzetan argi barik gelditzea. "Normalean Goimendi inguru horretan egoten da arazoa. Haizea gogor ibiltzen da gune horretan".
Abisua eman dute Iberdrolara. Itxaropena dute eguerdi parterako argia itzultzeko.