Domekan, urriak 16, elkartuko dira Elgetan Debagoieneko eta Debabarrenako odol-emaileak. Meza entzun ostean 13:00etan elkartuko dira Espaloian sari banaketa eta bazkaria egiteko. Aurtengoan dominak edo intsigniak jasoko dituztenen artean bi elgetar egongo dira; Edurne Alberdi eta Petra Morales, hain zuzen ere. 25 odol-ateraldi egin dituzte dagoeneko eta zilarrezko domina bana jasoko dute.
Hurrengo ateraldia, azaroan
Santa Zezilia egunarekin, azaroaren 22an, egingo dute Elgetan hurrengo odol-ateraldia; udaletxean 18:00etatik 20:00etara.