Elgetako ostalariak ere hasiak dira eskaintza bereziak egiten. Eguaztenetako eta eguenetako poteoa bultzatzeko zenbait tabernatan pintxoa ematen dute txikitoarekin batera, eta hori euro baten truke. Ekimena nahiko berria da herrian, baina momentuz harrera ona du bezeroen artean. Denborak esango du herriko taberna guztietara iristen den edo ez. Momentuz, eta dakigula, hiru tabernatan hasi dira pintxo-poteoarekin.