Eman dute jakitera Salbador eguneko egitaraua. 12:30ean esango dute meza auzoko ermitan, eta aurretik salda berua banatuko dute auzotarrek. Ondotik, berriz, patata tortila zein txorizo pintxoak egongo dira.
Auzo afaria
16 eurotan daude salgai afarirako txartelak Haizean, Patxin zein Espaloian. Gardokik lagunduko du afaria. Erromeria ere berak egingo du. Eguraldi txarrarekin afaria eta erromeria kafe antzokian egingo direla jakinarazi dute. 21:30ean elkartuko dira afaria egitera.
Bolatokia zabalik
Eguerdian zein arratsaldean zabalik egongo da Salbador ermita ondoko bolatokia. Gainera, rifak ere salgai ipini dituzte jaiak diruz laguntzeko.