"Uztaila polito joan da, baina abuzturako ezer gutxi mugitu da", adierazi digute Barrenenguan. Eguzkitzan ere berdina gertatzen zaie; "Egia da abuztuan azken momentuko erreserbak direla nagusi, baina momentuz ez dago ezer".
Urteroko joera da, Elgetara etortzen diren bisitariek ez dute erreserba aurrerapen handiarekin egiten. "Kostaldea aukeratzen dute lehenengo eta hura betetakoan hasten gara gu deiak jasotzen", adierazi digute Eguzkitzan.
Gauzak horrela, itxaropena dute krisiak eragin handiegia ez izatea aurtengo udan. "Espero dezagun datozen egunetan gauzak apur bat gehiago mugitzea, momentuz ezer gutxi dago-eta".