Aurreko agintaldian baino bi batzorde gutxiagorekin abiatuko da agintaldi berria Elgetan. Udaletxean ordezkaritza politikoa duten hiru alderdiek batzordeak banatzea adostu dute. Hala, Aralar-Independenteak taldeak lau batzorde hartuko ditu, Bilduk bi eta EAJ-k bat.
Jaiak tarteko, luze jo dute negoziazioek eta astelehenean, uztailaren 11n, 20:00etan egingo dute batzordeburuak izendatzeko plenoa. Udalak erakunde ezberdinetan izango dituen ordezkariak zein alkatearen eta zinegotzien soldatak ere saio horretan zehaztuko dituzte.