"Ginkana bat egingo dugu", adierazi du Bergarako saskibaloi elkarteko Marian Melladok. "Helburua da umeek ondo pasatzea, eta Elgetako neska-mutikoei saskibaloia ezagutzeko aukera ematea". Jolasak 17:00etan hasiko dira eta ordu eta erdiko iraupena izango dute.
Ez da saskibaloiarekin lotuta Elgetan egingo den azken ekimena. Udalak zein Bergarako elkarteak aurrerantzean ere jarraipena eman gura diete ekintza horiei.