Hamabost egun daramatzate han eta lan handia dute aurretik; besteak beste, sukaldea aldatuko dute eta gainerako guztia txukunduko dute. Sei logela ditu eraikinak.
Horretaz gainera, jatetxea ere jarriko dute. Honakoa esan digu Kalboagaetxeak: "Astelehenetik egubakoitzera bitartean, eguneko menua emango dugu; egubakoitz eta zapatu gauean, afariak gertatuko ditugu; eta zapatu eta domeka eguerdian, bazkariak. Gainera, hasiera batean, taberna bazkariak ematen ditugun bitartean izango dugu zabalik; hori, dena dela, ikustear dago, negozioak duen harrera aztertuko beharko dugu, denborarekin joango gara hori zehazten".
Jangelak 25 lagun ingururako tokia izango du. Horretaz gainera, nabarmendu dute eraikineko beheko solairuan, beste gela bat dutela; lagunarteko otorduendako edo bilerendako egokituko dute hori. Guzti horri, wifi gunea gehitu beharko zaio.