Maala Guraso elkarteak eta Elgetako gaztetxeak antolatuta haur jolasekin hasiko dira Asentzio eguneko ospakizunak. Eguraldia lagun bada festa giroa bazkalordura arte luzatuko da trikitilariekin. Gaztetxekoek taberna ere ipiniko dute. Beste batzuen artean salda eta pintxoak izango dituzue bertan salgai.
Meza eguerdian
Urteroko meza ere esango dute Asentzio ermitan. Angiozarreko parroko Fernando Esnaolak esango du 12:00etan hasita. Jarikotxo baserriak izan du aurten ermitako giltza zaintzeko ardura eta ohikoa da Asentzio egunerakin giltza hori auzoko beste baserri batek hartzea.