Uztailera bitartean ekintza erakargarriz osaturiko egitaraua prestatu dute aurten ludotekako eta gaztelekuko hezitzaileek. Maiatzeko lehenengo ekimena aurreko astean egin zuten gaztelekuko erabiltzaiieek; Espainiako gerrako interpretazio zentroa eta Intxortako ibilbidea ezagutu zituzten. Asteon sukaldaritza tailerra, afaria eta Sesto baserrian jaietako asto karrera prestatzeko aukera izango dute.
Ekaineko eta uztaileko egitaraua ere beteta dator 10-16 urte bitarteko gazteendako. Irteera Sendavivara (ekainak 4), graffiti ikastaroa (uztailak 12 eta 14), biodantza saioa (uztailak 22) eta gaupasa Asentzion (uztailak 16) dira ekintzetako batzuk. Izenematea zabalik dago maiatzaren 26ra arte. Prezioa 50 euro da.
Ludoteka ekainean
Txikienek ere izango dute non gozatu ekainean. Aurten lehenengo aldiz zabalik egongo da ludoteka zerbitzua ekainean. Hezitzaileek biodantza ikastaroa (ekainak 7), musika jolasak (ekainak 14), San Juan sua prestatzeko lanak (ekainak 23ra arte) eta gaupasa ludotekan (ekainak 17) iragarri dituzte. Hemen ere maiatzaren 26ra arte dago zabalik izena emateko aukera. Prezioa 20 euro da.