Baikarak, Gipuzkoako Ikasleen Gurasoen Federazioak, bi hitzaldi egingo ditu Elgetan datozen asteotan. Lehenengoa Oihurik gabe hezi delakoa maiatzaren 20ean, barikua, egingo dute, 18:00etan hasita. Baikarako teknikari Esther Martinez gurasoak hainbat teknikaren inguruan trebatuko ditu; gatazken kudeaketan, elkarrizketak hobetzeko jarraibideetan, balioen transmisioan eta jokabide egokiak sendotzeko estrategietan.
Bigarren hitzaldia ekainaren 3an, 18:00etan, egingo dute. Autoestimua izango dute berbagai. Autoestimuaren garrantzia eta autokontrola nola sustatu aztertuko dituzte.