Baserritarren batzordean hainbat erabaki hartu berri dituzte. Esaterako, Elgetako 50 bat baserri seinalizatzea onartu dute. Bidegurutzetan panelak ipiniko dituzte auzoen eta baserrien izenekin. Lanok amaituta beharko dute urrirako. Aurrekontua 23.200 euro da.
Egoarbitza
Egoarbitza inguruko Gaztelumendi herri basoan, berriz, pinua kentzeko erabakia hartu dute. Zuhaitz autoktonoa da nagusi zazpi hektarea dituen eremu horretan, baina badago pinua, eta guztia kendu nahi dute. Auzoko bideak, berriz, hondatuta daude Iberdrola bertan egiten ari den lanengatik. Lanak amaitutakoan bideak konpontzeko konpromisoa eskatu diote Iberdrolari.
Olatza baserria
Asentzio auzoko Olatza baserrian, berriz, ur hornidura ziurtatzeko lanak egitea onartu dute. Ura topatu, bonbeatzeko sistema ipini eta ur hori baserrira bideratuko dute. Aurrekontua 10.000 euro da eta lanok amaituta beharko dute ere urrirako.