Bihar, egubakoitza, egingo du lehen emanaldia, 22:30ean, Elgetako Espaloia antzokian. Sarrerak on line eros daitezke, edo Espaloian bertan. Bazkideendako 20 eurotan daude salgai eta gainerakoendako, 25 eurotan.
Espaloiko lagunek gogoratu dute jarlekuak ez direla zenbatuak eta komeni dela garaiz iristea Espaloira.
Etzi, zapatua, beste emanaldi bat egingo du Tamarizek Espaloian. 22:30ean izango da.
Egubakoitzeko sarrerak hemen eros daitezke.
Zapatuko sarrerak hemen eros daitezke.
Argentinako bikotea
Domekan, Argetinako Tangorditos taldeak magia eta antzerkia uztartzen dituen ikuskizuna eskainiko du herriko kaleetan. 12:45ean izango da, eta umorea izango da ikuskizunaren ardatza.
Ordubete inguruko ikuskizuna izango da eta gazte eta helduei zuzendutakoa da.