Xabier Uberak eta Iban Retolazak gaur, eguena, izango dituzte aurrez aurre Iñaki Olaortua eta Mikel Beretxinaga. Elgetako III. Frontenis txapelketako finala jokatzeko txartela dago jokoan. 19:15ean emango diote hasiera partiduari Elgetako frontoian.
Gainerako finalistak
Apirilaren 30ean jokatuko dira aurtengo bi finalak. Bikote mistoen txapelketako finalistak Anartz Agirre-Maider Osa eta Rebeka Ubera-Mikel Arkarazo bikoteak dira. Gizonezkoen txapelketan berriz finalean dira Haritz Gallastegi eta Eñaut Arantzeta.