Martxoaren 12an eman zioten hasiera Elgoibarren Gipuzkoako 42. hiru txirlo bolo txapelketari. Zapatuan, apirilak 16, Elgetan jokatuko da txapelketako bosgarren jardunaldia. Momentuz Elgoibarko Imanol Osoro doa lehenengo sailkapenean; 17 txirlo jo ditu lau jardunaldiotan.
Zapatuan, 17:00etan hasita
Dozena bat lagunekin Elgetak talde polita osatu du aurten txapelketarako. Parte-hartzea handia izaten ari da aurten, "azken urteotako handiena" antolatzaileen esanetan. Zapatuan 17:00etan hasiko da txapelketako jardunaldia Elgetako bolatokian.
Elgetako A taldea: Segundo Pagaedi, Antonio Ibarluzea, Antolin Arizmendiarrieta, Antonio Atxustegi, Sabin Arriaga eta Jesus Mendibe.
Elgetako B taldea: Arlindo Almeida, Sebas Arantzabal, Xabier Ortuzar, Garzen Urizar, Aitor Urizar eta Geaxi Ezpeleta.