Aurrerantzean Asentzio inguruek itxura politagoa izango dute Zuhaitz Eguneko landaketa eta gero. 20-30 bat landare sartu dituzte: basa-sagarrondoak, madariondoak, geriza arbolak... Adituen azalpenak eta guzti jaso dituzte gaurko egun berezian bertara joandako herritarrek, guraso eta haurrak, gehien bat.
"Ingurua oso polit geratuko da gainera urte pare baten buruan, sagarrondoak, adibidez, lorea ematen hasten direnean", azaltzen Ana Gilegi zinegotziak. Asentzioko aparkaleku inguru hori edertzeko, gainera, loredun zuhaitzak ere sartu dituzte aurten baina baita zortzi urteko zuhaitz handiagoak ere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.