'Piraten bizitza hoberena da' ozen abestu zuen eskolako neska-mutikoek Herriko plazan. Umeen desfilearekin hasi zen festa Elgetan eta bariku gauean ordu txikiak arte mozorrotuta kalean ibili denik ere egon da. Tarte horretan txokolate-jana, umeendako antzerkia, disko-mozorro festa eta parranda egon dira herrian. Orokorrean baina aurreko urteetan baino jende gutxiago ibili dela esan dute tabernariek eta mozorrotu, jende gutxiago ere mozorrotu dela adierazi dute.
Kalteak
Lorontziak apurtuta eta erdiguneko semaforoen kableak tiraka lekutik aterata... Zenbait lagunek kalteak eragin dituzte herriko gune ezberdinetan eta arrazoi horregatik aste bukaeran itzalita egon dira erdiguneko semaforoak horrek sortzen duen arrisku egoerarekin.