Asteon, eguaztenean, egin dute lehenengo Korrika batzordea herrian. "Lagun gutxi bertaratu ginela-eta, hurrengo batzorde ireki bat deitzeko asmoa daukagu", adierazi dute Korrikako arduradunek. Datorren martitzenerako, hilaren 15erako, egin dute deialdia. Kultura etxean elkartuko dira 19:00etan. "Herritar ororen parte hartzea da Korrika17 -k behar duena eta hori dugu helburu hurrengo batzordera begira", esan dute.
Elgetan, apirilaren 14an
Korrika apirilaren 14an izango dugu Elgetan. Elorriotik sartuko da Debagoienean eta aurreikusitako ordutegiak betetzen badira 04:40ak aldera iritsiko da gurera.
Azken Korrika, 2009. urtean egindakoa, ez zen Elgetatik igaro. Lau urte dira, beraz, euskararen aldeko lasterketa gure herritik pasatzen ez dela. Orduan, Bergaratik gora etorri zen lasterketa eta lekukoa eta elurra zen bide bazterretan.
Egiteko ugari
Ibilbidea zehaztu, kilometroak eta Korrika materiala saldu... egiteko ugari dago hemendik eta apirilaren 14ra bitartean. Elgetako korrika batzordean parte hartu nahi izanez gero, hortxe hurrengo hitzordua; otsailaren 15ean, 19:00etan.