Elgetako Udala aztertzen ari da herri gunean babestutako etxebizitzak egitea. Hasierako asmoa da gaur egun hutsik dauden eraikin batzuk zaharberritzea. Hala, uneotan etxebizitza beharra benetan zein den neurtu gura dute udal ordezkariek.
Datozen urteetan etxebizitza bat erostea aurreikusten duten herritarrei datuak emateko eskatu die Udalak. Urtarrilaren 31ra arteko epea ipini dute horretarako. Bi bide daude galdeketa betetzeko; elgeta.org udal webgunearen bitartez betetzea edo etxez etxe banatutako orriak bete eta udaletxeko sarreran dagoen Herritarren buzoira eramatea.