Elgeta Oñatiko hiltegiko merkataritza sozietateko kide izango da

Aho batez hartu zuen atzo erabakia udalbatzak. Elgetak 5.000 euroko kapital ekarpena egin beharko du datorren urtean eta hortik aurrera, eta zerbitzua bere gastuak asumitzeko gauza izan arte, 2.000 euro urtean.

Oñatiko hiltegia ez desagertzeko kapital publikoarekin merkataritza sozietate bat eratzea proposatu zen Mankomunitatetik eta Elgetako Udalak proiektu horretan sartzeko erabakia hartu du. Udalbatzak atzo eman zion lehenengo oniritzia egitasmoari.

Hamar omen dira Elgetan ganadua akabatzeko hiltegi zerbitzua erabiltzen duten baserritarrak. Batzuk Oñatiko hiltegira joan izan ohi dira, baina ez guztiak.

Zalantza guztiak tarteko, Elgetako Udalak Oñatiko hiltegiaren alde egin du. Ikusi egin behar orain herriko baserritarrek zer nolako erantzuna ematen duten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.