Puntual, oso puntual etorri da aurten Olentzero Elgetara. Giro txarrarekin egin du Intxortatik Elgetarako bidea eta ziztu bizian etorri da nonbait. 18:30erako Herriko plazan zen astoa lagun zuela. Ilara egin dute herriko neska-mutikoek Olentzerori karta eta patxo bana emateko. Ikazkinak, bere aldetik, goxokiak banatu ditu umeen artean. Bihar Euskal Herriko gainerako herrietan izango da.
Bihar goizean, Gabon kantak
Maala Guraso elkarteak antolatuta Gabon kantak abestuko dituzte bihar goizean Elgetan. 11:00etarako egin dute hitzordua Herriko plazan. 12:30ean salda eta txorizoa banatuko dituztela agindu dute.