09:00etan zabaldu ditu ateak Salbador kaleko arrandegi berriak. Aspalditik zebilen atzera eta aurrera Amagoia Irazabal. "04:00etarako Merkabilbaon nengoen", esan digu. "Handik ekarriko dut arraina". Bariku iluntzen inauguratu zuen negozioa elgetarrak eta sardinak erre zituen okasiorako. Inauguraziora hurbildu ziren herritarren, senitartekoen eta lagunen artean banatu zituen. "Martitzenetik zapatura bitartean zabalduko du denda", azaldu digu, "goizez zein arratsaldez".
Lanbide berri bati ekin dio hortaz Irazabalek, baina ez da berarendako guztiz ezezaguna. Ama, Kontxi Bolinaga arrain saltzailea izandako da. Makina urtean izan zuen negozioa gaur Amagoiak arrandegia zabaldu duen lokal berean. Zorte on ibllbide berri honetan!